قصة غريق

"لا بد ان انتحر...هذه هي النهاية....سوف ارتاح من العذاب الى الابد...سوف القي بجسدي من اعلى الكوبري" كانت هذه هي الكلمات التي شجعت بها ريهام نفسها على الانتحار بعدما مات كل اهلها في حادثة العبارة الشهيرة(السلام 98) , همت ريهام بالقفز ودون ان تشعر وجدت نفسها تسحب الى الخلف وتلقى على الارض في عنف..."انتى -لامؤاخذة-غبية يا مدام..؟؟؟؟"
-مدموزايل لو سمحت
-احنا مش في الالقاب دلوقتي ......ايه اللي انتى كنتى هتعمليه ده..؟؟؟؟وهنا انهارت ريهام وبدأت في البكاء بحرقة فاحس الرجل بالذنب واخذ يحاول التخفيف عنها فاخبرته انه ليس سبب بكائها وانما سبب بكائها انها ارادت ان تلتقى عائلتها الذين حرمهم الاهمال والتسيب من العيش وفرق بينهم وبين احبتهم فرق قلب الرجل لها .
-انتي مين اللي ماتلك في الحادثة دي..؟؟؟
-امي واخويا الكبير واختي الصغيرة.
-طيب طيب تعالى نروح حتة ناكل حاجة ونريح شوية ونكمل كلامنا بعدين.
-بس انا معرفتش اسمك ...ممكن اعرف انت يمن..؟؟؟
-ضروري يعني.!!
-طبعا ضروري..امال همشي معاك ازاي من غير ما اعرف انت مين..؟؟؟
-اوكي ..انا عادل عبد الرحمن....وانتي..؟؟
-ريهام سعيد.
اخذ الرجل يحكي لها عن الموت وكيف ان المنتحر يموت كافر ,اخذ الرجل يقترب منها شيئا فشيئا احست بانفاسه الباردة تلفح وجهها, اخذ يحدثها عن الغرق والشعور الذي يصاحبه ....يبدأ ضغط الماء في الزيادة على رئتيك....ثم اذنيك...فتحسين بثقل في رأسك ثم يبدأ نظرك يغيب شيئا فشيئا ثم تسقطين الى الاعماق السحيقة.
-ياه ده احساس مرعب ومخيف جدا جدا.
-امل كنتى عاوزة تنتحري ازاي...؟
-على العموم شكرا على انقاذي.
-لا شكر على واجب يا مدموزايل...احنا في الخدمة .....سلامو عليكو.
اخذت ريهام الجورنان وفتحت صفحة الحوادث لتجد العنوان الرئيسي "وفاة شاب يدعى عادل عبد الرحمن غرقا اثر حادث اليم.....!!!!!!!"

بدون عنوان

يمكن يكون العنوان اللي انا اختارته عشان ابدأ بيه اولى كتاباتي في مدونتي الجديدة (كان حلم وراح) لا يعبر عن الموضوع اللى هتكلم فيه واللي عملت المدونة دي مخصوص عشانه وهو موضوع الشاب المصري(او بمعنى اصح السفيه المصري) كريم عامر.!!
انا هسأل سؤال واحد بس ..مين كريم عامر عشان يعمل الضجة دي كلها..؟؟؟ وبأي صفة يتعمل موقع لحمايته وتحريره..؟؟ ده انسان حقود غبي متخلف وجاهل ويمكن يكون عنده جنون الشهرة وده اللي خلاه يكفر عشان يقدر يشهر نفسه عن طريق مدونته واللي كتبه فيها عن الرسول والازهر والاسلام وما اخرجه من الفاظ بحق الرسول وصحبه الكرام-يعف القلم عن ذكرها- بخلاف وصفه لاعظم الشهور وافضلها عند الله سبحانه وتعالى -شهر رمضان- بشهر النفاق..؟؟؟؟ اي انسان عاقل مسلم يطلق لقب زي ده على شهر الصيام...؟ لأ وما اكتفاش بكده وبس بل انه قال ان كل من يحترم ذاته ويرتد عن الاسلام هو الشخص المثالي والمحترم ويستحق التهنئة في حين ان الناس اللي بتنهى عن الافطار في رمضان هم المجرمين واللى لازم نتخلص منهم...؟؟؟؟ ناهيك عن وصفه للاسلام بدين يحث -على حد وصفه-على اغتصاب النساء والفحش والتوحش والقتل ..؟؟؟؟لعلمك يا كريم الاسلام لم ينتشر بحد السيف ومحدش يقدر يقول انه انتشر بالسيف وعلم الناس القتل والتوحش . انا لو مكان القاضي هعمل اللي كان هيعمله اي مسلم مصري في مكاني..........هحكم عليك بالاعدام لانك كده مرتد عن الاسلام والله اعلم.