يمكن يكون العنوان اللي انا اختارته عشان ابدأ بيه اولى كتاباتي في مدونتي الجديدة (كان حلم وراح) لا يعبر عن الموضوع اللى هتكلم فيه واللي عملت المدونة دي مخصوص عشانه وهو موضوع الشاب المصري(او بمعنى اصح السفيه المصري) كريم عامر.!!
انا هسأل سؤال واحد بس ..مين كريم عامر عشان يعمل الضجة دي كلها..؟؟؟ وبأي صفة يتعمل موقع لحمايته وتحريره..؟؟ ده انسان حقود غبي متخلف وجاهل ويمكن يكون عنده جنون الشهرة وده اللي خلاه يكفر عشان يقدر يشهر نفسه عن طريق مدونته واللي كتبه فيها عن الرسول والازهر والاسلام وما اخرجه من الفاظ بحق الرسول وصحبه الكرام-يعف القلم عن ذكرها- بخلاف وصفه لاعظم الشهور وافضلها عند الله سبحانه وتعالى -شهر رمضان- بشهر النفاق..؟؟؟؟ اي انسان عاقل مسلم يطلق لقب زي ده على شهر الصيام...؟ لأ وما اكتفاش بكده وبس بل انه قال ان كل من يحترم ذاته ويرتد عن الاسلام هو الشخص المثالي والمحترم ويستحق التهنئة في حين ان الناس اللي بتنهى عن الافطار في رمضان هم المجرمين واللى لازم نتخلص منهم...؟؟؟؟ ناهيك عن وصفه للاسلام بدين يحث -على حد وصفه-على اغتصاب النساء والفحش والتوحش والقتل ..؟؟؟؟لعلمك يا كريم الاسلام لم ينتشر بحد السيف ومحدش يقدر يقول انه انتشر بالسيف وعلم الناس القتل والتوحش . انا لو مكان القاضي هعمل اللي كان هيعمله اي مسلم مصري في مكاني..........هحكم عليك بالاعدام لانك كده مرتد عن الاسلام والله اعلم.
كان حلم وراح.....مصر المستقبل.
No comments:
Post a Comment